فى الحرب والحب .. بقلم : هند عبد الغنى

فى الحرب والحب …..

تأشيرة الحياة بنحصل عليها مجاناً ولمرة واحدة سواء برغبتنا او بعدمها…
الأيام دى الحياة بتفرجنا على مشاهد لاول مرة بنشوفها حصرية لكن خليتنا نتجمد مكانا من كتر الصدمة ومن كتر ماحنا حاسين اننا متكتفين ومش عارفين نعمل ايه ونتصرف ازاى !!….
فى الحرب والحب الفرص بتيجى مرة واحدة ربما متحصلش تانى وضياع الوقت فيهم ربما يكلف الانسان حياته سواء بالفراق عايش او ميت ..
وكتير مننا او الاغلبية مننا مفيش حاجة فى ايديه الا شوية امور الدعاء ، الدعم ، التبرع بقدر استطاعة كل انسان …
طيب هل الحرب دى او المشاهد دى مفيهاش اى حاجة !!!!…
حاجة زى ايه ؟؟؟ تغييير
ناس اتغيرت ، ناس اتبدلت ..
كل المواجع بدلت الشباب حولته لشباب جميل عنده احساس بالمسؤلية، الحمية اتحركت بالفيديوهات والمواجع اللى بتوصلهم…
لكن نصيحة لنفسى ولكل قارئ لكلماتى
امنعوا نفسكم من الغرق فى الاحزان والاكتئاب
علشان ببساطة الغرقان مينفعش ينقذ غرقان ..
حاولوا تنقذوا حالتكم النفسية والصحية
لازم نقوى ونجمد علشان القوى بس هو اللى يعرف يساعد
النبى صلى الله عليه وسلم مات والحياة استمرت ورسالته هو وكل الرسل مكملة حتى بعد رحيلهم…
معركة الحياة عايزة القوى ولازم تعرف حاجات مهمة ….
لو كان لازم تسرق فاسرق فرح
لو كان لازم تحفظ فاحفظ قلب
لو كان لازم تسلب اسلب عقل
لو كان لازم تقتل اقتل الخوف
لو كان لازم تكره اكره الجبن واليأس
لو كان لازم تكذب اكذب على عدوك
وافشوا الحب بينكم على قدر مااستطعتم وسيحل السلام اذا ساد الحب
فالحب والحرب على الارض وعلينا دايما نشر الحب والاستعداد للحرب
دى اقدر الله على ارضه فهل هروب من قضاء الله لقضاء الله
اللهم احفظنا واحفظ بلادنا وكل البلدان وانصر اهلنا فى الاقصى يارب