قصيدة فى حب جيش مصر – بقلم / محمد رجب السيد

الف عدو متربص بينا

جيشنا المصرى اللى بيحمينا

هو اسود وبتحمى عرينها

واعصار بيدمر اعادينا

جيش فى السلم إيديه بتعمر

عمره ماسابنا فى يوم وحدينا

هو امانا جوه بلادنا

وعلى حدودنا ومن حوالينا

فى سمانا سحابة بتمطر

كل الخير نجنيه بإيدينا

فيه المعنى جوه علمنا

احمر بيضحى ويفدينا

والأسود لو خطى حدودنا

اى عدو حاول يأذينا

والأبيض لوٌن ايامنا

واحلامنا ونور ليالينا

تسلم جيشنا يامفرحنا

وقت الشدة انت بتحمينا

واسالوا عاالابطال فى تاريخنا

فى المنصورة وتراب سينا