خير الاجناد (قصيدة) / بقلم محسن حمدي

خارج من بيتنا الصبحية

رايح علي باب المديرية

واقف في الخدمة المصرية

لحماية بلدي بوطنة

فجأة ولاقينا عربية

بتقرب من المبني شوية

والظابط من فوق يندهلي

ويقولي عاش الجندية

وفي لحظة جثته جنبية 

ومباني بتتسقط حواليا

ارهابي فجر عربية

ولاقيت في كتير جنبية

مدني وعسكري وبجلبية

بينازعوا في الموت زايية

واللي بيجري ويخبط فيا

واللي يقول حطوه في عربية

واللي يشيل في الجثة التانية

واللي يدور علي اشلاء تحتيا

واللي بيسقي اخواتي الماية

جالي الموت بيبص عليا

قالي انت في جيش أو دخلية

واقف في الخدمة المصرية

يالا مكانك اهو في الجنة

انت شهيد خدمة وطنية