جريدة القلم الحر المصرية جريدة القلم الحر المصرية www.qlm-hor.com موقع صحفى اخبارى متكامل
فاكره ياما
فاكره ياما لماكنت اغيب في الشوارع الخلفيه وتطلي من الشباك وتندهي عليه
فاكره ياما
واجي اقولك مين إل دلك عليه تقولي قلبي وكأن قلبك بوصله متوجه عليه
فاكره ياما
لما كنت ارجع وتطلي في عنيه وتقوليلي مالك اقولك ولاحاجه تعبان شويه عارفه ياما لو نسيتي عمري ماانسي خوفك عليه
فاكره ياما
وانتي بتعلميني احافظ علي ديني فاكره وانتي بتعلميني اكل بيميني
فاكره ياما
الحصان الحلاوه ال جبتهولي في مولد النبي ﷺ🌹 كان لونه بمبي
فاكره ياما
لماكنت امشي ايدي في ايدك وتتعيقي بيه وتقولي للناس دا إبني ال ربنا خلاهولي من بعد خمسه ماتوا قبليه ربنا عوضهولي
فاكره ياما
البيت القديم ال كان بيجمعنا سوي فاكره مريلة المدرسه وانتي بترسميلي بيها في خيالك اجمل صوره فاكره الحضانه وصورتها وانتي عملالي شعري قصه ع القوره
انا فاكر مش ناسي
وانتي في ايام الصبا وانتي صاحيه م الفجاري للعجين وتولعي الفرن ودقي المطارح وكل فلاح كان لغيطه سارح
قبل ماانسي
نفسي اسألك سؤال أمي انتي خلاص كبرتي ولاالزمن هو ال شاب
ابوالنجا فؤاد
