جريدة القلم الحر المصرية جريدة القلم الحر المصرية www.qlm-hor.com موقع صحفى اخبارى متكامل
إكمنى منك؟
بأحن ليكى
لكن لمجدك
علمى مايكفي
لو كل شعرى
هقوله فيكى؟
والله مايوفى
يامصر يااللى الهوى
من منبعك بيطل
عاشق خطوط العلم
من طينك ياست الكل
لمعة عيونى ف حضنك
غنوة ماتتكررش
سريح ف دنيا الله
داير ومابيشبعش
فى الغربة يتذكرك
دمعة عيونه تفر
يرسم عيونك هوا
يتنفسه تايعيش
يحلم ترابك دوا
ويعودله لأجل يعيش
يامنصفة الدنيا
وحاضنة كل العرب
لاشكيتى من حملك
ولا ثورتى يوم بالهرب
إن شانوا فيكى الكرم
بتردى بإستسلام
لأجل حصون الود
ماتهديش
لوثار ف يوم العدا
هيزئروا أسودك
وينطق الكرباج
ينهش خيال الطغاة
لو فكروا ف موتك
مايعرفوش مين
ابن مصر
سليل فراعنة
وارث بعند الإنتصار
مابينحنيش
وجيناته ضد الإنكسار
وعن ابن مصر
ابقوا أسالوا
راضع شهامة وجدعنة
لو مين يعادى أرضنا
يروى بدمه
القلوب العطشانين
يزرع جدايل ورد
فوق صخر الهرم
يعزف وريده
لحن حب للشقا
ويأيده طبل الكفوف
ف شقوق إيديه
لون الأمل
ضحكة خضار الغيط
وسنابل القمح اللى راقصة
بتهد فى جبال الملل
وعلى نيل بلدنا
الشمس بتفتح يوماتى
عيدان ياسمين
فوق خد الصبايا
والحزن الأسود
تحت عين الباردنين
تقتلوا طلة دفاها
غيمت دنياكى رحلة
وبكرة تحلى
لما ينزاح العكار
ده بكفاية تخبيص الرصاص
والزعيق وسط الميدان
لما حلفولك خيانة
وكتفوكى بالإيمان
دنسوا سمو الديانة
وأتكسوا بتوب العفاف
وريدك الحر أكتسح
زيف التسامح
لما سال الدم الأبيض
طهر الخرص
اللى خانوا بالسكوت
إتفتحت كل البيوت
يومها مينا ويا أحمد
كملوا دعاهم سجود
ريحى عيونك يابلدى
ده نسر علمك مهما عجز
الكل هيهابه
ومحفوظة الحدود
