جريدة القلم الحر المصرية جريدة القلم الحر المصرية www.qlm-hor.com موقع صحفى اخبارى متكامل
يوم كامل
يبدأ يومنا مالفجرية …بالدعوات وقلوبنا نقية
وبعد ساعات مالصبحية …قبل ما تيجي الطهرية
نلقي الدنيا الغجرية …بتنادي علينا بسخرية
أنتوا ياللي قلوبكوا نقية ….أتحداكم في العصرية
لو في حاجة لسة نقية …ما أنت جعان أنت وهي
وكروش واكله حق المية …من غير لازمة ولا أهلية
باقي دقايق عالعصرية ..وانا يتحدا ألف ومية
ايه أخبارك أنت وهي …لسة برده قكوبكوا نقية
أمال جبت منين العربية ..والشركات والملايين ديه
أنا سؤالي حاجة غبية ..ما انت نادتللي بالغجرية
أنت ركبت العربية ……..والملايين وياك بالمية
وأدي غروب الشمسية ..مين وياك في الليلة دية
غير أعمالك مش عربية ….أوعي تقول أنك ليا
أنا مش فاهمة كتير اغبية ..يجروا عليا وانا وهمية
تسمح أني أسيبك وامشي ..في ناس تانية مستنية
يعيشوا معايا بهمجية …ويقولوا عليا الغجرية
واللي يسبني لوحده بيعرف …ان الدنيا مش أبدية
مهما عاش ويايا بفارقه …علشان ألحق الفجرية
في ناس تانية مستنية ….بيقولوا برده قلوبنا نقية
وأتحداهم في العصرية …وأبدأ يومهم مالفجرية
بنفس القصة هي هي…الحقيقة الوهمية
