مين الجندي؟ مين الظابط ؟ (قصيدة) بقلم/ محسن حمدي

مين الجندي؟ مين الظابط ؟
مين الشرطة ؟ ومين الجيش ؟
مين يحميك عالكرنيش
انت تحب وهو ما اتعشاش
ولا التاني في وش الموت
وانت في بيتكم بالبرامودة
مامتك تيجي تبص عليك
وتغطيك في نص الليل
وهو هناك بين موته وحياك
وانت في بيتكم خايف نملة تعض افاك
وتقول يسقط شرطة وجيش
وتقول روح اضرب لحماس
ماهي مش قادرة عالانجاس
ونسيت جندي بحماس اداس
روح اتعشي وماتنساش
تنده مامتك تدعي معاك
بكرة يكون مصروف زاد