الرئيسية / أشعار وقصص وروايات / حق محمود البنا فين ؟ قصيدة / د . هاني ابو الفتوح
د. هاني ابو الفتوح

حق محمود البنا فين ؟ قصيدة / د . هاني ابو الفتوح

حق محمود البنا فين ؟
…………
شباب صغار زي طير
رفرف بجناحات الهموم
النخوة طبعه والرجولة
بس الحياة ازاي تدوم
حَب الحياة بس الحياة
كاتبة عليه للآخرة قوم
حتى الملاك نادى عليه
يا بنا قوم
عالجنة يالا كفاية نوم
…………
عيني على الطير الصغار
قابله الل قلبه كله نار
اللي تربيته شوارع
واللي فكره في انحدار
لا دين له وازع
ولا ضمير
بالعرض عايش
بينه وبين الحق تار
………..
يجري وراه
ويرفع سلاحه عالبرئ
ويوقفه ف وسط الطريق
وتسيل دماه
قلبه الرقيق
ف الدم تاه
أصبح غريق
وهناك ملايكه تودعه
بتقول معاه
راجح شيطان
قلبه حريق
…………
والعدل فين
العدل نايم حبتين
بيقولوا قاتل
بس القصاص في المحكمه
ما لهش شرع
ما لهش دين
…………..
بيقول لكل المجرمين
السفاحين السفاكين
عيثوا فساد
روحوا اقتلوا ف كل البلاد
اقتل بطولة
اقتل رجولة
بقانون طفولة
ومحكمة وشياطين
…………
وماتسألوش
ولا تقولوش
حق محمود
حق محمود البنا فين
الحق موجود
ماتقلقوش
العدل ساكن في السما
عند رب العالمين

اترك رد

%d مدونون معجبون بهذه: