و عايزه في سماه عايش ( عامية) بقلم / فوقية سليم

في قلبك بس مش طايله..
و بتحايله
يكون وياك
يبعتر في ضفايره هواك
تتنسم عبير بوحه
تتوسد جمال روحه
تقول اﻵه
يضم الجرح لجروحه
لكن خايف
تقرب خطوة..تبعدها
كمان شايف…
ف بعده الجنة بتعيشها
و لو ينزل على أرضك
تلاقي نوره ليه يطفي ؟!
و يداري الكلام .. تخرس
غناوي الطهر ف عيونه
يضيع لونه..تخطي الحد
تغوص ف اﻷرض
فيهرب حلم تتمناه
خلاص خليك..
و سيب روحك
هناااااااك وياه.