أم الشهيد – عيد أم سعيد- بقلم / محسن حمدي

يا أما بلاش تزعلي مني
كنت ناوي أجيب هدية
كنت بحلم اكون عنيكي
بس السنادي عيدك أحلي
لما تفتكري طفلتي
لما كنت أجري وأخبي
دمع عيني جوة حضنك
فاكرة ياأما صوت بكايا
ولا صوت ضحكي الحزن
لما غبتي عني يومين
فاكرة شكل عروستي جمبي
قولتي كوشة وبقمرين
واما روحت أحمي بلادي
وشلتي انتي هم ولادي
كان نفسي أرجع ليكي وأضمك
زي عيدك اللي فات
بس فات كل اللي فات
أألعي ياما السواد
ربي كرمني بالأستشهاد
بس اوعي تزعلي مني
كنت ناوي أجيب هدية
شيلتك هم الأحفاد