جريدة القلم الحر المصرية جريدة القلم الحر المصرية www.qlm-hor.com موقع صحفى اخبارى متكامل
(حكاية حزام)
وانا لابس ف حزامي الناسف
كنت جرئ وشويه انا خايف
خلوني للجنه وشايف
خلوني لطريقي وعارف
نشفوا دمع العين علي خدي
مابقي الدمع بيجري وزارف
جه وقت التنفيذ والجد
رحت لبيتهم واخد وعد
موتي وموتهم هو الفرض
عجوز او شاب وطفل ف مهد
وانا لابس ف حزامي الناسف
فلقيت واحده وشايله بنيه
قلت اكيد هتكون لي ضحيه
محتاج عدي ادتله هديه
ايد فيها اكل وايد فيها ميه
وانا لابس ف حزامي الناسف
لقيت في كنيسه وجنبها جامع
داخل ساجد داخل راكع
ويا ادان وجرسها و سامع
الله اكبر وبخور رافع
وانا لابس ف حزامي الناسف
ولا التاني سلاموا عليكوا
رد سلامه بكل سلام
حب وعشره بتيجي اوام
وكمان واخده وبالاحضان
وانا لابس ف حزامي الناسف
قلت اقرب تاني كمان
لقيته بسبحه لابس قفطان
شاري زعفهم ماشي فرحان
وبنته كمان عامله الحلقان
وانا لابس ف حزامي الناسف
شفت ابوهم كله محبه
اقرب مني حبه حبه
ادخل يا ابني بكل موده
خد معايا بحب واده
وانا لابس ف حزامي الناسف
ولا طفل جميل كان قايم
جعت يا ماما قالت صايم
اصبر حبه بس وناكل
طاوع من غير اي مشاكل
وانا لابس ف حزامي الناسف
صاموا وصلو واعطوا وحبوا
قلت ف سري انا جاي ليه
اللي بعتني الله يسامحه
ضحكوا عليه ولاد الايه
بس الجنه ف عيني تسر
وان قرارهم ليه دا امر
لازم افجر ولا مفر
ولااعرفه خير
او كان شر!!!!!
وانا لابس حزامي الناسف
