بيت السبوبه ” و” قصص وحكايات . فضائح بالجملة . / مشاغبات ريجو الخِطر /

الواد ريجو سمع حكايات وبلاوي عن بيت السبوبه . فضايح . للكبار والصغار ..
وهاتك يا  تسجيلات ومقابلات والذي منه ..
رجل شايب وعايب والمثير انه من  عائلة معروفة  ومع بنت من دور أحفاده
البنت وصلت بسرعة الصاروخ  . ولما لا وهى متعلمة جاهزة …
البنت بتأمر الكبير أمر وأمام الجميع ..
ناس استغربت وناس اندهشت وناس أتكلمت بدون صوت ..
اوم الواد ريجو سمع حكايات وتسجيلات وشاف مقابلات داخلة استراحات
ومينفعش طبعا كان يدخل جوووه ……….
وبعد التأكد واليقين قرر فضح العلاقات
ولازم ولابد  آن الناس تعرف حكاية السبوبه
وحلف براس العمدة الكبير لازم يهد المعبد وكل شيء ينكشف ويبان ..
اوم وهو بيحقق ويتابع  بيت السبوبه يظهر له ثعلب التعليم ..
ريجو يضرب كف ع كف ويقول يخرب بيتك هو أنت موجود هنا كمان .
  موجود بس من تحت لتحت مع البت المتعلمة ..
المثير بجد آن ريجو كل ما يحقق في موضوع
يظهر له كلمة(تبع الأمن / تابعين للأمن)
فيضرب كف ع كف تاني ويقول(كم من الجرائم ترتكب باسمك يا امن )…
يعنى بت بترقص وتغني كويس وصوت فون مثير وسبوبة وشهرة ..
طب  ماله الأمن وإيه دخل الأمن في كده ؟
بالمناسبة  الواد ريجو سأل بعض رجال الأمن .
فأكدوا له . أن لا دخل لهم بهذه المواضيع
واللي هيقع مش هنسمي علية . وكله بالقانون ..
الواد ريجو ضحك بصوت عالي وقال : اللي هيقع كتير أوى يا خال .
جهزوا المشانق .. كفاية . كده … لقد هرمنا . من الفساد ..
بس بصراحة  الواد ريجو لما سمع صوت البت المتعلمة . قال فعلا متعلمة
بس مش  لدرجة إنها توقع الرجال الكبار بسهولة كده …
اوم لما فحص وتتبع بطريقة ريجو الخِطر . عرف السبب …
طبعا عايزين تعرفوا السبب والأسباب ………..
انتظرونا  غدا .. مع حكايات مثيرة عن بيت السبوبة والبت المتعلمة.
ريجو الخِطر ……………………