نهلة علي الديب

عندك فكرة عن جبر  الخواطر؟ بقلم / نهلة الديب

عندك فكرة
…..
عندك فكرة عن جبر  الخواطر..؟

عندك فكرة لو شفت حد حزين أو حصل معاه موقف خلاه مكسور نفسيا وأصريت أنك تخرجه من الحاله دي وربنا وفقك فعلا وقدرت تخرجه من حزنه وتطبطب عليه…ياترى إحساسه هيكون إيه…؟

طب عندك فكره انك لو شفت واحده ست قاعده طول النهار وما حدش اشترى منها حاجه…
وقاعده حزينه ومهمومه …
بتفكر إزاي هتروح لأولادها من غير فلوس ،ولا هتقدر تشتري ولو حتى العشا …
وأنت مش محتاج الشيء اللي بتبيعه،رغم ذلك هتشتري منها ؛ لمجرد أنها صعبت عليك وحبيت تجبر خاطرها لأنك حاسس بيها وتيلت نفسك مكانها…
عندك فكره إزاي ممكن تدعيلك وهي بتبكي …
يا بختك بدعوتها الصادقه .

بالنهايه لو عندك فكره عن جبر الخواطر وقت ماتكون محتاج لحد يساندك فموقف …
لكنه خزلك …
إحساسك وقتها هيكون إيه..؟ وهو كاسر خاطرك ..
طيب .. لو شفت حد بنفس الموقف …
أكيد هيكون عندك فكرة بإحساسه اللي هو حاسه..
والمفروض تكون أول حد يمد يد العون له

من يجبر خاطر مكسور…..
أجبر الله خاطره وأخرجه من الضيق إلى الفرج

إلى اللقاء مع حلقة جديدة من برنامج ( عندك فكرة لو….)
بقلمي .نهلة علي الديب

اترك رد

%d مدونون معجبون بهذه: