الرئيسية / مــقـالات و آراء / د. محمد كمال سيف النصر يكتب : إلى اصحاب النضاره السوداء
د . محمد كمال سيف النصر

د. محمد كمال سيف النصر يكتب : إلى اصحاب النضاره السوداء

تواصل معي احد اصدقائي المختلفين معي فكريا عبر الفيس بوك وحدثني اولا. اننا متفقين علي حب البلد ويجب ان تكون هذه نقطه البدايه وثانيا .يتهمني بعدم قبولي لاي حد ينتقد الرئيس واني لست حيادي ويقول لي يجب ان نفرق بين انتقدنا للرئيس ومؤسسه الجيش والدوله. وثالثا .طلب مني الرد علي بعض المواضيع مثل(تيران وسنافير-سد النهضه -القصور الرئاسيه-ارتفاع الاسعار).
فعلا تاخرت عليك في الرد
١-لايوجد مخلوق علي وجه الكون اكبر من ان ينتقد وكذلك كلنا بشر وكلنا معرضون للخطاء منا الرئيس او الوزير او الغفير.
٢-لابد ان نتفق ونسلم بانكم لن تتقبلوا هذا الرئيس لانه في نظركم مختطف البلاد منكم والحقيقه هو في نظرنا منقذنا من حكم مكتب الارشاد بدليل نزول المصريين في ٣٠ يونيو وطلبوا من حمايه البلاد…اذا فلنتفق علي كرهكم له الي يوم الدين. وعلي راي المثل (حبيبك يبلعلك الزلط وعدوك يتمن لك الغلط.).
٣-قصه انتقاد الرئيس حاجه والموسسه العسكريه حاجه ثانيه والجيش خط احمر .لازم اروح ابحث عن طفل علشان اقنعه بالحدوته الكوميديه دى بدليل ايام حكم المجلس العسكري والمشير طنطاوي وجمعه قندهار وجمعه الغضب (ويسقط يسقط حكم العسكر ) وقنوات الاخوان وفيديوهات محمد علي بيشتموا في كل المؤسسه العسكريه مش السيسي فقط
لذا فهم كيان واحد ومحاوله اللعب علي الوتر دا مفقوسه اخي العزيز.
٤-ماعرضته من موضوع ..تيران وصنافير هرد عليك في جمله واحده (ارض سعوديه وادارة مصريه للابد افضل مائه مره من ارض مصريه واداره دوليه وقوات حفظ السلام) مضيق باب المندب البوابه البحريه للخليخ ..وصلت كدا..

سد النهضه هناك اخطاء في التعامل مع هذا الملف ضعف مصر فتره ثوره يناير. تعامل الرئيس الراحل مرسي مع هذا الملف وكذلك تعامل الرئيس السيسي لم يكن بالقدر الكافي من الاهميه وتغليب حسن النوايا علي الالعيب الصهيونيه.
القصور الرئاسيه…هقولك كلمه في ودنك اسمه مقرات رئاسيه تحت الارض بخندق وممرات ومش هكلم اكثر من كدا
غلاء الاسعار هل يختلف احد معاك ان الناس تعبانه والكهرباء والبنزين والسلع فتره وهتعدي ولازم نستحمله …عشنا ايام هباب ايام الحرب ..طبعا في اخطاء في اولويات الانفاق ومحدودي الدخل.
٥-اخي العزيز سوف اذكر لك بعض انجازات هذا الرجل واتحداك يوما ان اقريت باي هذا الانجازات

.انتم تنتقدوا فقط.١- شوفت حضرتك شبكه طرق في اخر ٥ سنين ماتعملتش من٥٠ سنه.. ٢-شوفت حضرتك١٤ كدينه جديده تبني في وقت واحد..شوفت احلال منظومه السكه الحديد ومحطات مترو علي اعلي مستوي وقطار كهربائي.٣-.ماشوفتش مشاريع الصوب الزراعيه ومليون ونصف فدان استصلاح
٤-ماشوفتش المدن الصناعيه الروبيكي للجلود بدمياط ودمياط الجديده للاثاث.
٥-ماشوفتش مصانع الرخام الجلاله ومصناع الاسمنت والبتروكيماويات
٦-ماشوفتش انقاق جديده تحت القناه لربط سيناء ال من ٥٠ مهجوره
٧-ماشوفتش زعماء اورباء والعرب في استضافه مصربشرم الشيخ وبيقول لهم ماتتدخلوش في مصر.
٨-ماشوفتش قناة السويس الجديده بتتبني في سنه بفلوس وعرق المصريين وفي التخر تقولي تفريعه.
٩-ماشوفتش قناطر اسيوط وسحارة نقل مياه النيل لسيناء..
١٠-ماشوفتش الرقابه الاداريه وهي بتقبض علي الوزير والمحافظ واللواء والمستشار ولسه الفساد بالهبل يعني مفيش حد فوق القانون.
١٠-ماشوفتش تنويع تسليح الجيش وغواصات وحاملات طائرات علشان تبقي اقوي جيش في الشرق الاوسط.
١١-ماشوفتش معرض ايدكس يعني اه سلاح مصري ومركبات مصريه.
١٢-ماشوفتش مصر وهي زعيمة افريقيا وبتتكلم باسم افريقيا في المحافل الدوليه وتحيا مصر بتتقال في الامم المتحده.
١٣-ماشوفتش الزعماء بيتعاملوا مع رئيس مصر ازي في المحافل الدوليه
١٤-ماشوفتش الملايين وهم بيتعالجوا من فيروس سي كنا اعلي نسبه اصابه في العالم .اصبحنا مركز اقليمي لعلاج فيروس سي
١٥- ماشوفتش قوائم الانتظار قلت في المستشفيات ولا لا. والمستشفيات التي يتم بنائها لرفع منظومه الصحه المتهالكه علي مر الزمن. ومنظومه التامين الصحي الشامل في اول تجربه له ببورسعيد وبعد كده هتعمم.
١٦-ماشوفتش محطات تحليه المياه وصلوا ١٢ محطه وتوليد الطاقه من الرياح والشمس…

انجازات كثيره اخي العزيز هذا علي سبيل المثال وليس علي سبيل الحصر..طبعا السيسي له اخطائه وسوف يتداركها ولكن امام هذا الانجازات وفي الاخر انا مش حيادي
اسف جدا للاطاله. ولكن حق مصر علينا
د. محمد كمال سيف النصر

اترك رد

%d مدونون معجبون بهذه: