الرئيسية / أشعار وقصص وروايات / مكانك في كتاب العمر . أول سطر . وآخر سطر (خواطر) بقلم/ د. مرفت عبد العظيم
د. مرفت عبد العظيم

مكانك في كتاب العمر . أول سطر . وآخر سطر (خواطر) بقلم/ د. مرفت عبد العظيم

مكانك في كتاب العمر ..أول سطر..
وآخر سطر..❤

وطول العمر
مشاعري مسلسلة ف صندوق..
وجيت إنت..
عرفت السر..
وسري داريته عن نفسي..
عشان أنسى..
لقيتك إنت زى الشمس عز الضهر

وجيت ابعد..
لقيتك صورة في مرايتي..
خيال ضحكة في فنجاني.
و شربة مية في عطشي..
بتروينى..
ودفقة دم….. لو جفت شراييني…

وساكن في مسام جلدي..بدون ترتيب
مشاركنى في كل دقيقة.. مهما تغيب..
في صمتى..في نومى.. و كلامي..
ولا يوم عدى قبلينا… وكنت غريب.

ولو أملك…
مش هبعد..
ولا ثانية…
ولا هتهمنى الدنيا…
بلاش نبقا كما الأغراب…
ده لو لسه انا غالية..
*************

اترك رد

%d مدونون معجبون بهذه: