الأربعاء 18 سبتمبر 2019 - الساعة 9:47 ص
الرئيسية / مــقـالات و آراء / هبةالله لطفي تكتب : في زمن الفهلوة .. وخد وهات (حب نفسك – دلع ودلال)
هبةالله لطفي

هبةالله لطفي تكتب : في زمن الفهلوة .. وخد وهات (حب نفسك – دلع ودلال)

في وقت في حياتك بيجي عليك .. بتفقد فيه كل ثقتك بالناس حتي بنفسك .. ده مش ضعف .. ده جزء من النضوج الفكري والعقلي .. الحذر لا يمنع القدر لكن برضو من الغباء انك تفضل صافي وبرئ في زمن الفهلوة .. وخد وهات .. والمليون وش .. خليك ذكي وراجع نفسك وحساباتك ومعارفك . حاول تصفيهم حتي لو جوه ذهنك .. ومش بالضروره توضح لهم انت ناوي علي ايه .. اعمل فورمات للعلاقات الي بتأذيك ونخلص من الطاقات السلبيه في حياتك وحب نفسك ..
حب نفسك ..
حب نفسك ..
دي مش انانيه .. ده تقدير لنفسك الي اتحملت ناس وحشه لفتره طويله وتألمت بس ما وقعتش ولا انهارت ..
خلي نفسك في حياتك من اولوياتك .. دلعها .. ايوه دلع نفسك ودللها .. ما تنتظرش اهتمام من حد .. عشان ما حدش هيهتم بيك غير نفسك برضو ..
اشتري لنفسك حاجه تفرحها .. هات شيكولاته وكلها سرقه .. جرب تشرب فنجان قهوه مع اغنيه بتحبها وغمض عنيك واسرح .. اخرج لوحدك من غير عربيه واتمشي ولو ١٠ دقائق . هتفرق كتير في نفسيتك …
حب حياتك بس بشروطك
. مش بشروط غيرك .. ماتسمحش لحد يتشرط عليك ولا تعيش علي إرضاء أحد فكلهم زائلون وستبقي لك نفسك ومشاعرك .. حافظ عليها .
هبةالله لطفي

اترك تعليقاً

لن يتم نشر عنوان بريدك الإلكتروني.

This site uses Akismet to reduce spam. Learn how your comment data is processed.

%d bloggers like this: