الرئيسية / مسابقة القلم الحر للإبداع العربي (التاسعة) / مسابقة القلم الحر للإبداع العربي (التاسعة) صفحة من دفتر وجع (عامية) لـ نجلاء السيد سعيد / مصر
نجلاء السيد سعيد / مصر

مسابقة القلم الحر للإبداع العربي (التاسعة) صفحة من دفتر وجع (عامية) لـ نجلاء السيد سعيد / مصر

صفحة من دفتر وجع
**********

لساك بتحلم بالشموع

ورجوع هواكْ

إللي اِندفن

جوَّاالضلوع

من يوم ما قولت

اِنكْ حتبعد من سنة

نسيت خلاص

صرخةّ الموت في السكوت

حـُرقةّ دموع شمس الأمل

ساعةّ هروب حلم النجاة

من بين شفايف بسمتي

كتبت إسمك بالدما

في  كـُل نبضة عشتها

وبنور سعادة ما ينطفيش

حلمت بيكْ

ضحكةّ ونسْ

حتَّى وأنا في عز الضنى

غزلت لك شوق السنين

بخيوط حنين

قطّـعت أحبال الوصال

وجريت قوام على دنيتك

بأستحلفك .. لو باقي عندك ذكريات

أبقى إفتكر وأنت في سفر

إن أنت يامَّا قولت لي

إنك ح تعزم فرحتي

في هلال “هاتور”

وإنك حترسم خطوتي

على كـُل نجمات السما

ومعشم السكة بلـُقا

أرجوك تعبت أبعد بقا

خليني أشيل من فوق  مرايةّ سكتي

بسمةّ خداعك للأبد

خليني أمحي من وريد

قلبي إللي عاشق همستك

سنوات ضياع

عاشت بتتمنى الأمان في محبتك

بـدِي أسألك

دوست ليه ؟!

على ضمةّ الحضن الحميم

كفنت ليه سحر الليالي بتوب وجع

ما رحمت صرخةّ دمعتي

ف غضبةّ شتا

وقت أما جيت ع الشوك بأخطي لك قنا

كان لي أمل

وأنا بين إيديك

ألقى في عينيك نظرةّ دفا

قدمت ليك عمري الصبي

في كاسات وفا

قدمت غدرك في الكفوف

وسقيتني غصب

شـَّبكتْ حرفكْ بين حبال صوت الحياة

وناديت عليك

وأنت بجنون فاق المدى

عزفت أوجاع السنين

على أغلى أوتار الفؤاد

غنت شجن

ناحت طيور العشق نوح

فاق زمجرةّ صوت الرعود

وقت المطر

لساك بتحلم بالشموع

طب قول لي فين

حق الحنين

حق السنين

حق العينين

ودي اللي كرهتها الدموع

لساك بتتمنى الرجوع

طب هات معاك

حق الآهات

حق إللي فات

من ذكريات

مكتوبة بمداد الآلم

فوق صفحة من دفتر وجع

اترك تعليقاً

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: