الرئيسية / مسابقة القلم الحر للإبداع العربي (التاسعة) / مسابقة القلم الحر للإبداع العربي (التاسعة) طرح مايل (عامية) لـ سارة عاطف عبد اللطيف / مصر
سارة عاطف عبد اللطيف / مصر

مسابقة القلم الحر للإبداع العربي (التاسعة) طرح مايل (عامية) لـ سارة عاطف عبد اللطيف / مصر

طرح مايل
*******
قالي هاجي لجل اشوفك
يامَّا انا بيوحشني خوفك
ضحكتك قلبك وصوتك
كل دماغي بكلمتين
عدا يوم والتاني بعده
بكرا جاب بعده وبعده
والضنا بيزيد ف بعده
والشهور جابت سنين
عقلي ياما كان بينسي
قلبي عمره ما كان له يقسي
بس كان وجعه الحنين
ايوا انا البطن اللي شالت
لجل تزرع طرح مايل
لما ينجح كت بتفرح
لو بيغلط كت تحايل
لما زارها وقام حاضنها
قالها عدي الجمايل
عارفة ياما انتي المشاغل
والعيال همي اللي شاغل
كان بيحكي ف حجة بايخة
كان شايفني ام شايخة
مش كفيلة بامنياته
مش مهم ابقي ف حياتة
كان وجودي زي عدمه
كنت مالناس اللي قدمو
قبل ما اسال ..
كنت اسمع نفسي رده
انتي عارفة الدنيا يامَّا
فيها ياما حاجات مهمه
انتي اغلاهم بزمة
بس واللهَّ ..
بس والله ما كنت فاضي
او مديري مكنش راضي
انتي عارفة دروس ولادي
من يومين كان عيد ميلادي
الظروف عاندت قصادي
موجة البرد اللي بادي
كنت اصبر نفسي عادي..
بكرة يرجع لما يسمع
لما هينادي المنادي
دبلت الوردة اللي
نبتت طرح مايل
لما ينجح كت بتفرح
لما يغلط كت تحايل
لما زارها وقام حاضنها
قالها عدي الجمايل
يا رب يعني لو هيزعل.. صبره
يعني همه لو كبر
من بعدي ساعده وقدره
والحمد ليك يا ربنا
خسرني قبل انا ما اخسره
كان يوماتي اترجي صوته
دلوقتي مش قادرة اسمعه
يعني عمرك شفت ميت
في كلام بيرجعه
ولا ملحقتش تسلم
ف الكلام هيودعه
قالولي سبتيني ورحتي
متخفيش كدبتهم
جيتلك يا غالية وسبتهم
انا عارف ان انتي هنا
وهتطلعي وتزعقي
وهتشتكيني لربنا
عارفك يا امي مؤمنة وهيسمعك
طيب قوليله يرجعك
طب دا انتي ضهري
اللي انحني بعدك
بالله كنت انا هوصلك
زودتي ليه بعدك
بستحلفك وبحلفك
مش كنت اول فرحتك
ما تردي ياما هترجعي؟!
قومي طيب شدي حيلك
كنت بستتقل زيارتك
كنت بستكتر اجيلك
دلوقتي بتمني اشوفك
بس مرة اشم طيبك
نفسي بس انول رضاكي
رجعي لحضنك ضناكي
ربنا الاعظم حباكي
طرح مايل
لما ينجح كت بتفرح
لو بيغلط كت تحايل
لما زارها وقام حاضنها
قالها عدي الجمايل

اترك تعليقاً

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: