الرئيسية / مــقـالات و آراء / في مصنع المحروسه .. بقلم / حمدي يوسف

في مصنع المحروسه .. بقلم / حمدي يوسف

 

هناك ..

ف البراح

عند برج عالي

للحمام…

خدنا درس ..!!

بس قاسي في الكلام

لجل نعرف ليه بلدنا

مش بس دوله والسلام

ولا  كانت مره سلعه

عند صحبه م اللئام

وهناك ..

تحت المطر لما هطل

كنا واقفين ف التمام

واما شمس المولي طلعت

من قلب الغمام

ويا حر ف شهر يوليو

كنا لسه برضو ..

واقفين ف التمام

لجل خبره في الحمايه

والحراسه للكرامه

ضد اعداء السلام ،

وهناك ..

علمونا الالتزام

علمونا الانضباط

ف التحيه والسلام

وكل واحد له مهام

حتي  لو كنا ف حرب

او حتي ف سلام

كل واحد له تمام

وكل وقت وفيه كلام

والقضيه..

مش  سلام

ولا قبلي جه ف بحري

ولا جرجس ويا لمعي

وقفوا جاري

واحنا في  صيام

ولا بنصلي جماعه

ولا جمعه أو قيام

القضيه هي إحنا ..

شعب واعي شعب عارف

شعب فاهم بس عايش

ف انسجام

والله شايف

نقطه سودا

م السخام

لجل تنضف

يلزمها شده

ولا حزم بدون ملام

الكلام بيجيب كلام

والمحبه بين ولادنا

مش خصام

ولا قعده وابتسامه

ويا دمعه بالندامه

يبقي فيه بيناتنا وئام

الحكايه م النهايه

ف اللجام ..

لو نشده ….

و بدون تراخي

نبقي رمز للتأخي

ف المحبه والسلام

وتحيا مصر بالشهامه

والكرامه  بالكرام ..

 

حمدي يوسف
حمدي يوسف

 

اترك تعليقاً

لن يتم نشر عنوان بريدك الإلكتروني.

This site uses Akismet to reduce spam. Learn how your comment data is processed.

%d bloggers like this: